નીલકંઠવર્ણીનાં દર્શન રે, હાલોને લોજ જઈએ;
સહુ જનનાં ઠારે છે મન રે, હાલોને લોજ જઈએ...૧
કરે દર્શન તે થાય ધન્ય ધન્ય રે, હાલોને લોજ જઈએ;
તેને તુલ્ય આવે નહિ અન્ય રે, હાલોને લોજ જઈએ...૨
એ તો આવ્યા છે આપણે કાજ રે, હાલોને લોજ જઈએ;
કરી વનવિચરણ મહારાજ રે, હાલોને લોજ જઈએ...૩
હવે રહેશે રામાનંદ પાસ રે, હાલોને લોજ જઈએ;
સૌનાં દુષ્કૃત કરશે નાશ રે, હાલોને લોજ જઈએ...૪
જ્ઞાનજીવન કે’ મોક્ષનું કામ રે, હાલોને લોજ જઈએ;
થાશે લોજ આશ્રમે તમામ રે, હાલોને લોજ જઈએ...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
લોજપુર લીલા
પુસ્તક :
કીર્તનમાળા-૩
ઉત્પત્તિ:
સં.૨૦૭૪ અધિક જેઠ વદ-૬, મંગળવાર તા.૫/૦૬/૨૦૧૮, વડોદરા, પૂજામાં
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026