મને ગમે છે વર્ણિવેશ રે, હાલોને લોજ જઈએ;
એનાં દર્શન કરીશ હંમેશ રે, હાલોને લોજ જઈએ...૧
તન તપસ્વી મનમોહક રે, હાલોને લોજ જઈએ;
એ જ સર્વેના છે પ્રકાશક રે, હાલોને લોજ જઈએ...૨
રૂડી આંખ્યો છે અતિ હેતાળી રે, હાલોને લોજ જઈએ;
આવી મૂર્તિ ક્યાંય નવ ભાળી રે, હાલોને લોજ જઈએ...૩
ટૂંકી પહેરી છે ધોતી અનુપ રે, હાલોને લોજ જઈએ;
રૂડું દિસે છે ઉઘાડું રૂપ રે, હાલોને લોજ જઈએ...૪
જ્ઞાનજીવન કે’ નાભી છે ગોળ રે, હાલોને લોજ જઈએ;
રૂડું ઉદર છે ગોળમટોળ રે, હાલોને લોજ જઈએ...૫
રચયિતા :
જ્ઞાનજીવનદાસજી સ્વામી-કુંડળ
ભાવ :
લોજપુર લીલા
પુસ્તક :
કીર્તનમાળા-૩
ઉત્પત્તિ:
સં.૨૦૭૪ અધિક જેઠ વદ-૬, મંગળવાર તા.૫/૦૬/૨૦૧૮, વડોદરા, પૂજામાં
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026