ઓધવ કેહેજો સંદેશો હરિને, જોડી કર વિનતિ કરીને;૩/૪

પદ ૧૨૯ મું(૩/૪)

ઓધવ કેહેજો સંદેશો હરિને, જોડી કર વિનતિ કરીને;  ઓધ૦ ટેક.

દીનબંધુ દયા મન આણી, દાસીયું પોતાની જાણી;

એકવાર આવો સારંગપાણી.  ઓધ૦ ૧

ગયા છો દલાસા દઇને, આવ્યાની અવધી હરિ કહીને;

વાયદા જાયે છે વહીને.  ઓધ૦ ૨

આંખડીયું ઉઠી છે રોઇ, વહાલાજીની વાટડીયું જોઇ;

રહી છું ચીત ચરણે પ્રોઇ.  ઓધ૦ ૩

દેતા હરિ નૌતમ સુખ નિત્યે, સંભારતાં ખેદ ઘણો ચિત્તે;

દિવસ રાત રોઇ રોંઇને વીતે.  ઓધ૦ ૪

જોશું મુખ દુ:ખ ત્યારે જાશે, જનમ તો સુફલ ત્યારે થાશે;

પ્રેમાનંદ આગે બેસી ગાશે.  ઓધ૦ ૫

મૂળ પદ

ઓધવ મારી વિનતડી કેહેજો, વહાલા મારી સાર વેહેલી લેજો;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી