જમવા બેસે ત્યારે વનમાળી, ડાબા પગની પલાંઠી વાળી૫/૧૬

પદ ૨૦૨૭ મું.૫/૧૬

 

જમવા બેસે ત્યારે વનમાળી, ડાબા પગની પલાંઠી વાળી.  ૧

તે પર મેલી ડાબા હાથની હથેલી, હાસ્ય વિનોદ હરિ કરતા કેલી.  ૨

જમણો પગ ઉભો રાખી નાથ, તે પર મેલી જમણો હાથ.  ૩

પ્રથમ લે છે હરિ નાનો ગ્રાસ, જમતાં શોભે ભક્તનિવાસ.  ૪

એમ જમે છે દેવના દેવ, વાર વારે પાણી પીધાને ટેવ.  ૫

જમતાં જણસ જમ્યાને સારી, સુંદર સ્વાદુ જણાયે ભારી.  ૬

તે આપી મોટા સાધુ હરિજનને, પછે પોતે જમે હરિ તે અન્નને.  ૭

જમતાં ઓડકાર ખાયે બહુનામી, પેટ ઉપર હાથ ફેરવે સ્વામી.  ૮

ક્યારેક તો હરિ જમતાં જમતાં, સાધુ હરિજન હોયે મનગમતાં.  ૯

તે પર પ્રસન્ન થઇને દયાળ, આપે પ્રેમાનંદ કે' પ્રસાદીનો થાળ.  ૧૦ 

મૂળ પદ

વંદુ સહજાનંદ ભવમોચન, રૂપનિધાન કમલદળ લોચન

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી