એમ અખીલ ભુવનના પ્રાણ રે, કરે સ્વભાવિક ચેષ્ટા સુજાણ રે૭/૧૪

પદ ૨૦૪૫ મું. ૭/૧૪

એમ અખીલ ભુવનના પ્રાણ રે, કરે સ્વભાવિક ચેષ્ટા સુજાણ રે .  ૧

ક્યારેક તો હરિ સ્વચ્છંદ રે, છીંક ખાવી હોયે તારે સુખકંદ રે.  ૨

પ્રથમથી રુમાલ લઇ હાથ રે, મુખ આડો રાખી દીનોનાથ રે.  ૩

ઉંચે સાદે છેટૅ સંભળાયે રે, એમ બે ત્રણ ભેળી છીંક ખાયે રે.  ૪

જ્યારે બગાસું ખાયે છે હરિ ત્યારે રે, હરિહરિ* એવા શબ્દને ઉચ્ચારે રે.  ૫

નિજ કરે કરીને સુખદેણ રે, ચોળે બે ત્રણ વાર કમળનેણ રે.  ૬

વળી નિષ્કામ ભક્ત હોયે એવા રે, તેની કરેલી ગમે છે જેને સેવા રે.  ૭

કોઇક રમુજે કરીને ઘનશ્યામ રે, અતિશે હસે છે અભિરામ રે.  ૮

ત્યારે હાથે ગ્રહીને રુમાલ રે, મુખ આડો દઇ હસે કૃપાળ રે.  ૯

એવી સહજ કૃપા હરિ કેરી રે, ગાયે પ્રેમાનંદ પ્રીતે ઘણેરી રે .  ૧૦

*”હરે હરે” પાઠાન્તર છે.

મૂળ પદ

સાંભળો હરિજન એક ચીતે રે, ગાવું સ્વભાવિક ચેષ્ટા પ્રીતે રે

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી