કમલનયન શ્રી કૃષ્ણની, જાઉં બલિહારી૩/૪

પદ ૧૦૦૬ ઠું.૩/૪

કમલનયન શ્રીકૃષ્ણની, જાઉં બલિહારી;

પતિતપાવન હ્યાં પધારિયા, તે સુણો નરનારી.  ૧

કાનમ દેશ પાવન ઘણો, ધન્ય રેવાનાં ભાગ્ય;

દશ અશ્વમેઘ તે કીધલા, નૃપ બલિએ એ જાગ્ય.  ૨

આશ્રમ છે ભૃગુદેવનો, ઋષિ દેવ ત્યાં રે'તા;

તપ કરતા હરિ કારણે, કથા પ્રભુજીની કે'તા.  ૩

એક ઇચ્છા સહુને હતી, એકવાર હરિ આવે;

આવી આશ્રમ પાવન કરે, તનના તાપ મીટાવે.  ૪

તે રે સમે શ્રીકૃષ્ણને, દૈત્ય માર્યાનું કામ;

તે અવસર ન આવી શક્યા, વહાલો સુંદર શ્યામ.  ૫

તે વારતા ઉર ધારીને, રાખી અંતરજામી;

આ રે સમે કરુણા કરી, રસિયે બહુનામી.  ૬

તે રે સમે દીધો હતો, દ્વિજ વૃંદને કોલ;

પ્રેમાનંદને નાથજી, તે પાળ્યો આજ બોલ.  ૭

મૂળ પદ

ધન્ય ભાગ્ય ભૃગુક્ષેત્રનાં, હરિકૃષ્ણ પધાર્યા;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી