એ વાત છે અતિ મર્મની, જાણે ચતુર સુજાણ૪/૪

પદ ૧૦૦૭ મું.૪/૪

એ વાત છે અતિ મર્મની, જાણે ચતુર સુજાણ;  ભૃગુ ઋષિએ પધરાવિયા, પ્રભુજી જીવનપ્રાણ. ૧

ધર્મકુંવરની મૂરતિ, હરિકૃષ્ણ બળદેવ; ભાગ્ય હશે તે માનશે, કરશે પ્રીતે સેવ.  ૨

પ્રેમ કરીને જે પૂજશે, ભાવ રાખીને સાચો; તે સુકૃતિ જન નહિ ભમે, ચોરાસીમાં પાછો.  ૩

પ્રગટ હરિ બળરામની, મૂરતિયો જાણી; પૂજશે તે થાશે સુખીયો, સત્ય માનજો વાણી.  ૪

ભજશે પૂજશે પ્રગટ પ્રભુ, ઘનશ્યામ મુરારી; ધર્મ અર્થ કામ મોક્ષ ફળ, પામશે નરનારી.  ૫

કાનમવાસીને કારણે, કરુણા કીધી સ્વામી; ભૃગુપુરમાંહે બિરાજીયા, આવી અંતરજામી.  ૬

એ પદ શીખે ને સાંભળે, ગાશે વારમવાર; પ્રેમાનંદ કે' રાજી તેપર, થાશે ધર્મકુમાર.  ૭

મૂળ પદ

ધન્ય ભાગ્ય ભૃગુક્ષેત્રનાં, હરિકૃષ્ણ પધાર્યા;

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી