જમાડ્યા સાધુ રે કે બ્રાહ્મણ પ્રીત કરી, દક્ષિણા બહુ દીધિ રે કે સહુને ફરી રે ફરી. ૨/૪

૩૮                                         પદ-૨/૪/૬૬

 

જમાડ્યા સાધુ રે કે બ્રાહ્મણ પ્રીત કરી, દક્ષિણા બહુ દીધિ રે કે સહુને ફરી રે ફરી.       ૧

મળ્યા સગાં સંબંધી રે કે રાજા સઉ સઉના, મળ્યા માતાને પિતા રે કે દીકરીને વઉના.   ૨

ભીમક ને વસુદેવ રે કે મળિયા બહુ ભાવે, મીઠું મીઠું બોલી રે કે પ્રીતિ ઉપજાવે.       ૩

વસુદેવ વેવાઇનો રે કે પ્રીતે ગ્રહિ પાણી, લઇ આવ્યા ઉતારે રે કે હરખ અતિ ઉર આણી.   ૪

બળદેવ શ્રી કૃષ્ણ રે કે મળ્યા ઉઠી અતિ હરષે, રાણી રૂક્મણી મળ્યાં રે કે પિતાને ઘણે વરષે.      ૫

પધરાવ્યા પ્રિતે રે કે બહુ કરી સન્માને, પ્રેમાનંદ કે જમાડ્યા રે કે મેવા ને મિષ્ટાને.    ૬ 

મૂળ પદ

હવે તુલસીનો વિવાહ રે કે ગાવું કરી ખાંત, રૂડી રીતે વર્ણવું રે કે સાંભળો એ વૃંત્તાંત

રચયિતા

પ્રેમાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી