નટવર કુંવરરે નાથજી, સુંદર શામ સુજાણ,
તન મન સોપ્યું છે તમને, પ્રોવ્યાં તમ ચરણે પ્રાણ. નટ. ૧
આવો રમો હરિ અમસું, પિયું થઇ પરસન,
તમને મળવા માહેરું, તરસિ રયુંછે તન. નટ. ર
ઉરમાં લેવારે અમને, ઉલટ ઘણો છે અંગ,
નૌતમ જોબન મેં જાળવ્યું, કરવા તમારો સંગ. નટ. ૩
અંગ મનોપમ આ આવીયું, ન મળે મુલ્યને. માટ,
તે કેમ વૃથા વણસાડિયે, ખરી થઇ છે ખાટ. નટ. ૪
પીયુ તમને પરસિ, કરીશ પાવન પંડ,
અંગોઅંગ કરી એકતા, લઇશ સુખ અખંડ. નટ. પ
આ તન મન હરિ તમ તણું, અર્પણ કીધુંછે અંગ,
તમ વિન્યા નર કોયેના, સુપને નહિં કરીયે સંગ. નટ. ૬
એતો નિગઠ્ય હરિ ગાંઠ્ય છે, આંટી અંતર માયે,
સોપ્યું શીશ જે તમને, ન પડું બીજાને પાયે. નટ. ૭
અંતર ટાળી અંગોઅંગે, રંગે રમીયે રાજ,
નિષ્કુળાનંદના નાથજી, કરો અમારા કાજ. નટ. ૮