સુખના સિંધુંરે શામળા, સુખ મને આપ્યું છે શામ,
અંગોઅંગ હરિ અમને, કર્યા પૂરણકામ. સુખ. ૧
તેણે તનમન માહેરું, પલટું પંડનું પોત,
આનંદ આવ્યુંરે અંગમાં, થયું અંતર ઉદ્યોત. સુખ. ર
નયણ વયણરે વરતા, ઉલટો અંગનો રંગ,
જોબન આવ્યું જણાઇને, કરતાં સુંદરવર સંગ. સુખ. ૩
નખ શિખ નિરખું મેં નાથજી, જોયું અવિલોકિ આપ,
શાંતિ રાખું હું શિદને, પીયુજીનો પરતાપ.સુખ. ૪
જગમાં જાણુંરે જાદવા, તમ સાથેછે તેમ,
વણ ક્યું વરતાય છે, છેડે છપાડું કેમ. સુખ. પ
મેણું બેઠુંરે મુજને, ત્રિકમ તાહેરી ગાલ્ય,
લોક કહેછે લાગતું, તારો હરિ શું ઢાલ. સુખ. ૬
સુણી રહુંછું શ્રવણે, ખોટા વિન્યા સૈ ખિજ,
હાહા હજાર વારછે, મારે રસિયા શું રીઝ, સુખ. ૭
માથે છેડો મેં નાખીયો, લોપી લોકની લાજ,
નિષ્કુળાનંદના નાથજી, મારે છે તમારું કાજ. સુખ. ૮