મેર કરી મુજ ઉપરે, મલીયા આનંદ મેરાણ,
આનંદસિંધુ ઘેર આવીયા, સુંદર શ્યામ સુજાણ. મે. ૧
આનંદ ભરી હરિ ભ્રકુટિ, આનંદ ભર્યું છે ભાલ,
નિરખી આનંદમય નાસિકા, હું તો થઇ નિહાલ. મે. ર
આનંદ ભરી હરિ આંખડી, આનંદ ભરિયું છે મુખ,
વાલી વાલી વિલોકતાં, જાયે જનમનાં દુઃખ. મે. ૩
આનંદ કરવા હરિ ઓચરો, આનંદકારી છે વેણ,
સુણતા આનંદ હરિ ઉપજે, મારું મન થાયે મેણ. મે. ૪
આનંદ અમનેરે આપીયું, કરને લટકે લાલ,
મન ચિત મોયુંરે માયેરું, જોઇ ચટકતિ ચાલ. મે. પ
અંગો અંગ આનંદમાં, નખશિખા ભરીયા છે નાથ,
આનંદમયે છે મૂરતી, પ્રીત કરી તે સાથ. મે. ૬
આનંદ દેવા હરિ આવીયા, આનંદ આપો અપાર,
અખંડઆનંદ વર હું વરિ, કરી ગિરધરે ઘરનાર. મે. ૭
આનંદરુપી અલબેલડો, નટવર નંદ ગોવિંદ,
નિષ્કુળાનંદના નાથજી, સહજાનંદ આનંદ. મે. ૮