મારી પ્રીત જડી, સુંદરવર શામળીયા શામ સંગાથે,
કરી મુને નિઃશંક નિહાલ, દિન દયાળરે દિને નાથે,
હું તો મગન રહી મનમાં ફૂલીરે, મારી બોલંતાં બદલી બોલી,
ત્યારે સઉ કોઇ જાણે એ શુદ્ધ ભૂલી. મારી.
હું તો સર્વે કામ કરૂં સવળું, તેને લોક લઇ સમજે અવળું,
હવે તેની વાળી હું તો કેમ વળું. મારી. ર
તેણે ઘરના પરના કહે ઘેલી, અમે જાણી નોતી આવી પેલી,
સુણ શિખ શું થયું સાહેલી. મારી. ૩
કરે કોટ ઉપાય એ સર્વે મળી, કોયે કહે ચિતળીયું ગયું ચળી,
મારી કોય ન શકે કાલપ્ય કળી. મા. ૪
મને ભુધરજીએ નાખી ભુરકી, મળે મોહન તો બોલું મુરકી,
નવ બોલું બોલાવે બીજાં બરકી. મારી. પ
મેતો પાતળિયાજી શું પ્રીત કરી, તેણે જકત વાતની મેં મુન્ય ધરી,
મારે હૃદે બીરાજે એક હરિ. મારી. ૬
એણી પેર્ય થયાં જો ઘેલાં અમે, જેમ જાણો તેમ કેજો તમે,
મારૂં મનમોહનજી સંગે ભમે. મારી. ૭
હું તો નિઃશંક થઇ તન તાપ ટળ્યા, મારા ખોયેલા દિવસના ખગ વળ્યા,
મુને નિષ્કુળાનંદનો નાથ મળ્યા. મારી. ૮