સ્વામી સુખના સદન, મદ ભર્યા મુરખ ન જાણે માનવી.૮/૮

સ્વામી સુખના સદન, મદ ભર્યા મુરખ ન જાણે માનવી.

કુબુધિ કરાવે કૂપ, ત્રટ પરગટ જલ મુકી જો જાનવી.

કોયે ભૂલ્યા જન વદ્યાં વેદે, કોયે ભૂલ્યા જાત્ય ભાત્ય ભેદે.

એમ ખોયો જનમ ખેદાવેદે. સ્વામિ. ૧

કોયે ભૂલ્યા કુળની મરજાદે, અને કોયે ભૂલ્યા રસ સુ વાદે.

વળી કોયે ભૂલ્યા વૈખરી વાદે.સ્વામિ. ર

કોયે ભૂલ્યા રિદ્ધિ સિદ્ધિ સારૂ, અને કોયે જાયે જાણે અંધારૂં.

એમ પોતે પોતાનું મમત ધારૂં.સ્વામિ. ૩

કોયે કહે છે કામણગારા, અને કોયેક કહેછે ધૂતારા.

વળી કોયેક કહે એ છે સારા.સ્વામિ. ૪

કોયે કહે છે કપટી કામી, વળી કોયેક કહે છે અંતરજામી.

એમ સહુ રયું છે આશ્ચર્ય પામી.સ્વામિ. પ

કોયે કહે એહ બહુ છે બળીયા, અને કોયેક કહે એ છે છળીયા.

પણ અકળ એને કેણે નવ કળીયા.સ્વામિ. ૬

આપે આપમાંયે અનમાન કરી, પણ ખબર કોયે નવ પામ્યા ખરી.

એક બુદ્ધિ વડે કેમ જાણે હરિ.સ્વામિ. ૭

મેં તો ડહાપણ ભોળા પણ દૂર કીધું,

મારૂં તન મન ધન જો તેને દીધું.

નિષ્કુળાનંદના નાથ સાથે સુખ લીધું.સ્વામિ. ૮

મૂળ પદ

મારું મન હરીયું સુંદરવર શામળીયા સામું જોઇ,

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી