સુખદાઇ સંસારમાંરે, વાલો આવ્ય મારી વારમાંરે ૪/૪

સુખદાઇ સંસારમાંરે, વાલો આવ્ય મારી વારમાંરે,

સાચા સનેહિ છે શામ, તેહ વિન્યા ત્રિલોકમાંરે,

નથી ઠરવા ઠામ, હો બેની સુખ. ૧

દેહ સનેહિ સવારથીરે, કરે પોતાનું કામ,

અર્થ સારીલીયે આપણારે, પછે ન પૂછે નામ. હો. ર

એવાં પાપીને પરહરીરે, હાલીયે કરી હરામ,

નટવર સુંદર નાથશુંરે, રમીયે આઠું જામ. હો. ૩

સર્વે અંગે શામળોરે, પુરે હૈયાની હામ,

નિષ્કુળાનંદના નાથજીરે, સુખ તણું છે ધામ. હો. ૪

મૂળ પદ

મોહનજીને મળવાને ભૂધરજીને ભેટવાને, તલપે છે મારું તન

મળતા રાગ

ઢાળ : વાલે વજાડી છે વાંસળી રે

રચયિતા

નિષ્કુળાનંદ સ્વામી

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી