પિયા તમારૂં જે વદન, સદન સર્વ સુખનું,
નિરખતાં ભરી લોચન, મોચન ભવ દુઃખનું. ૧
પિયા નયણામાં ઘણો નેહ, અમ્રત્યે અતી ભર્યા,
પિયા મિટ ધરી મુજ માથ, નાથજી દુ:ખ હર્યા. ર
પિયા મુખે મધુરાં વેણ, દેણ સુખ સંપતિ,
સુણતાં મન થાયે મેણ, વિરમે સર્વ વિપતિ. ૩
પિયા હસવે હેત સમેત, વાણી કહિ વાલની,
મોયું મારૂં મન ચિત્ત, જોઇ શોભા ભાલની. ૪
પિયા વિઘ્યે વિઘ્યે કરી વાત, સમઝાવી સુખની,
ઓળખાવી અંતર માંયે, સોબત વિમુખની. પ
પિયા અમ પર કર્યું હેત, નિશ્ચે મારા નાથજી,
પિયા અઢળક ઢળિયા અમ સાથ, મલ્યા ભરી બાથજી. ૬
પિયા સંભારતાં એ સુખ, વિયોગ દુઃખ થાયે છે,
પિયા જોતાં વચન સનમુખ, રાજી જો રેવાયે છે. ૭
પિયા મન મળવા મહારાજ, તલફે મારૂં તનજી,
પિયા નિષ્કુળાનંદના નાથ, દિજે દર્શનજી. ૮