(રાગ: ચાબખો.પ્રાણિયા ભજી લેને કિરતાર એ રાગ)
અમે જાણીતા સત્સંગી છઇએ , ઉછવ સમૈયામાં દખી જરા ન થઇએ ૦ ટેક
ઉતારા ઓરડી સારી સગવડના , મોકામાં મેળવી તે લઇએ ;
ગરદી પેલા જઇ સુંવાળા ગાદલા ને, ગોદડાના થર મારી દઇએરે –અમે ૦૧
વેલા ઉઠીને અમે હાડહાડ થાવા, નળે નાહ્વા તે શીદ જઇએ?
મોંઢું ધોઇને પુજાવાળા પાસે જઇ , ચાંલ્લો તિલક કરી લઇએરે -અમે ૦૨
આમ તેમ ફરતા કોઇક ઓળખીતા, સાધુની નજરે થઇએ;
એકાંત સુખની ઓરડીએ જઇને અમે, ચાહ પાણી પ્રેમથી પીઇએરે -અમે ૦૩
મનખ્યો ભરાઇને બેઠો મંડપમાં , કથા સાંભળવા ઇચ્છીએ ;
એ તો પંચાત્યું પુરાણની તેમાં, આપણે સમજીએ ન કંઇએરે –અમે ૦૪
દેવળમાં જઇ દેવદર્શન કરીને સીધા, ચૌટા બજારમાં જઇએ ;
સ્નેહી મિત્રોની સાથ સીગરેટ છુટથી , પીયને ત્રપત ખૂબ થઇએરે –અમે ૦૫
જોવાનું હોય તે જોઇ ફરીને , લેવાનું હોય તે લઇએ ;
ક્યાં ગયાતા કોઇ સાધુ પૂછે તો, કહયા જેવું હોય એટલુંજ કહીએ...રે –અમે ૦૬
હાથે પતરાવળા લઇને પંગતમાં, પોળા થઇને બેસી જઇએ ;
સોડા શરબત બીડી ભાડામાં ભાંગતાં, વધ્યા નાણાં તો થાળ દઇએરે -અમે ૦૭
આવા સમૈયા કરી શું રે સુધરશું, વિચારો વાત આપ હઇયે;
સાધુ શરણે જઇ વિષયની આશ તે, નરસિંહ નિરર્થક કઇએરે -અમે 0૮