હરિ કૃષ્ણ તણી બલિહારી રે, સુખકારી વદન પર વારી; ૩/૩

પદ ૨/૨

પદ ૪૦

હરિ કૃષ્ણ તણી બલિહારી રે, સુખકારી વદન પર વારી;

મને મહેર કરી મદન મોરારી રે, સુખકારી વદન પરવારી.ટેક

સોનેરી પાઘ જોયા લાગ સહુ જનને, છોગાં સહિત અતિ સારી;

કાનમાં કુંડળ ને મોતીડાની માળા, હાર પે'ર્યા છે હજારી રે.સુખ.૩

તિલક સોહામણું ને વાંકડી ભ્રકુટી, આંખડી અજબ અણિયાળી;

નમણી નાસિકાને અધર બિંબ લાલ છે, દંતની પંકિત પ્યારીરે.સુ.

જરીયાની જામો બુટ્ટા ભરેલો, શેલાની શોભા સારી;

રેશમી કોરની ધોતી રૂપાળી, પેરી છે પ્રેમ વધારી રે.સુખ.

સભાની મધ્યે શોભે સલૂણો, આસપાસ સંત બ્રહ્મચારી;

નારાયણદાસનાં નાથજી બિરાજ્યા, અવતારના અવતારી રે.સુખ.

મૂળ પદ

સખી શ્રીજીના ગુણ ગાવારે, દેહ મુકીને દિવ્ય રૂપ થાવા

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી