હું ને વળી મારું રે મેલી દેને મુરખા રે, ૩/૪

પદ૩/૪

પદ-૧૯૫

હું ને વળી મારું રે મેલી દેને મુરખા રે,

વારુ વીરા તારું નથી તલભાર;

નથી લેવું દેવું રે અંતકાળે આપણે રે,

પડી રહેશે માયા લાખ હજાર.હું ને વળી.૧

કોણ કોના પિતા રે કોણ કોના દિકરા રે,

કોણ કોના સગા સહોદર નાર;

કોણ કોના કાકા રે કોણ કોના બાંધવા રે,

કોણ કોના પુત્ર ને પરિવાર.હું ને વળી.૨

કાયા કુટુંબી રે કાયા રહે ત્યાં લાગી રે,

અંતકાળે સર્વે અળગા થાય;

વસમી વેળાએ રે સહુ રહે વેગળાં રે,

ઘડી પછી ઘેર પોતાને જાય.હું ને વળી.૩

એવું તો જાણીને રે ભજો ભગવાનનેરે,

છોડી દીયો સંસારની બહુ આશ;

પ્રભુને ભજીને રે થાઓ સદા સુખીયારે,

સત એમ કે'છે નારાયણદાસ.હું ને વળી.૪

મૂળ પદ

માનવીયો મરવું છે રે, એક દિન આપણે રે,

રચયિતા

નારાયણદાસ

ફોટો

કિર્તન ઓડિયો / વિડિયો યાદી

કોઈ ઑડિયો / વીડિયો ઉપલબ્ધ નથી