જીરે ધન્ય ધન્ય આ ભૂમિનાં ભાગ્ય કૃપાનિધાન કૃપા કરી, ૧/૨

પદ ૧/૨ ૧૧૪૦

રાગ : ધોળ

 

જીરે ધન્ય ધન્ય આ ભૂમિનાં ભાગ્ય કૃપાનિધાન કૃપા કરી,

જીરે પધારિયા પૂરણ બ્રહ્મ સદ્‌ગુરુ રુપે શ્રીહરિ. ૧

જીરે ધન્ય ધન્ય સતસંગી સંત, જેહને તે દર્શન આપિયા,

જીરે ટાળ્યા જન્મ મરણના તાપ, કર્મનાં બંધન કાપિયા. ૨

જીરે આજ આનંદ અંગ ન માય નવલા તે નેહ વધારિયા.

જીરે આજ અમૃતના વુંઠા મેઘ પુરુષોત્તમ પધારિયા. ૩

જીરે તહાં માનીની મંગળ ગાય, વાજીંત્ર વાજે અતિ ઘણાં.

જીરે ઉઠે આનંદકેરી છોળ વૈષ્ણવ જનને વધામણાં, ૪

જીરે વાલો સોળ કળામય શ્યામ, નિરખીને નયણાં સુફળ થયાં,

જીરે તેતો પુણ્ય પવિત્ર નર નાર્ય, ભાગ્ય ન જાયે કહ્યાં. ૫

જીરે આજ પ્રગટ્યા કોટિ કલ્યાણ હરખે ઉર ધાર્યા હરિ,

જીરે મુક્તાનંદ તે તદરૂપ ગરભવાસ નાવે ફરિ. ૬ 

મૂળ પદ

જીરે ધન્ય ધન્ય આ ભૂમિનાં ભાગ્‍ય કૃપાનિધાન કૃપા કરી,

રચયિતા

મુક્તાનંદ સ્વામી

ફોટો

કિર્તન ઓડિયો / વિડિયો યાદી

સાંભળો	ગાયક	રાગ	પ્રકાશક	રેકોર્ડીંગ ગુણવત્તા	સ્વરકાર	સીડીનું નામ	લાઇવ/ સ્ટુડિયો	ઓડિયો/ વિડિયો	Rating
નમુનો આખું ડાઉનલોડ	ચંદુભાઈ રાઠોડ (ગાયક)		શ્રી સહજાનંદ સંસ્કારધામ મહામંત્રપીઠ ફરેણી જી.રાજકોટ gujarat india phone:-+91-2824-283383/283108/9662517626		ચંદુભાઈ રાઠોડ (સ્વરકાર)	કીર્તનમાળા-૧	Studio	Audio	0 1