અખંડ સુખિયો કરવા મુજને અખંડ તત્પર તમે રહો છો;
સંતો રૂપે ભક્તો રૂપે વાલમ મુજને ઘણું કહો છો...ટેક.
અંદર બહાર સાથે રહીને, સતત મારું પોષણ કરો છો;
અતિ કરુણા કરીને પ્રિતમ, અજ્ઞાન મારું શોષણ કરો છો;
મૂર્તિરૂપે દિવ્યાતિ દિવ્ય આનંદથી મારી છાતી ભરો છો...૧
સત્શાસ્ત્રો ને સંતોના મુખથી, સમજાવી મારી શંકા હરો છો;
આત્માની નિષ્ઠા સંતોની નિષ્ઠા, ભગવત્નિષ્ઠા દૃઢ કરો છો;
કરુણાનિધાન કરુણા કરીને, બાહ્યાન્તર સહુ દુ:ખ હરો છો...૨
અંતર મારે સદા વસીને, કરાવો છો તમે સદ્વિચારો;
અખંડાનુભવ કરાવા આપનો, સતત રાખો છો જ્ઞાનનો મારો;
તમે જ મુજને તમારા તરફ, ખંત રાખીને ખેંચ્યા કરો છો...૩
રચયિતા :
જ્ઞાનજીવનદાસજી સ્વામી-કુંડળ
ભાવ :
સ્તુતિ
સ્થળ :
વડોદરા
પુસ્તક :
કીર્તનમાળા-૩
ઉત્પત્તિ:
તા.૨૭/૦૪/૨૦૧૦, વડોદરા, સવારે પૂજામાં
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
જો તમારી પાસે આ કીર્તનનો કોઈ રેકોર્ડિંગ હોય અને હરીભક્તો માટે તેને શેર કરવા માંગતા હો, તો કૃપા કરીને અમને મોકલાવો.
કોઈ કીર્તન નથી!
www.swaminarayankirtan.org © 2026