અક્ષરપતિ અવની પર આયે રે, અક્ષરપતિ;
સર્વેશ્વર ભગવંત, મુક્ત મુનિ સેવક સંગ લાયે...ટેક
અક્ષર તણા મુક્ત સંગ લાવ્યા રે, અક્ષર તણા;
પૃથ્વી ઉપર પુરુષોત્તમ પ્રગટી, ધરમ સુત કાવ્યા-અક્ષર૦ ૧
પ્રીતે પ્રભુ વર્ણિવેષ ધારી રે, પ્રીતે પ્રભુ;
સાત વરસ વનવાસ, વેઠિયો નીલકંઠ બ્રહ્મચારી-અક્ષર૦ ૨
તીરથમાં ફરતા બહુનામી રે, તીરથમાં;
લોજપુરે મહામુનિવર, મળિયા મુક્તાનંદ સ્વામી-અક્ષર૦ ૩
ઉદ્ધવ ગુરુ રામાનંદ કીજે રે, ઉદ્ધવ ગુરુ;
ઉનકી પાસ અક્ષરપતિ, આયે કારજ સબ સીજે-અક્ષર૦ ૪
દીક્ષા લઈ દાસ થયા પોતે રે, દીક્ષા લઈ;
નામ ધર્યું સહજાનંદ જગવંદ, આનંદ જન જોતે-અક્ષર૦ ૫
ગુરુજી ગયા નિજધામે રે, ગુરુજી ગયા;
ધરમધુર નીલકંઠ ઉઠાઈ, સ્વામિનારાયણ નામે-અક્ષર૦ ૬
કૃપાનિધિ કીર્તિ વિસ્તારી રે, કૃપાનિધિ;
નિજસેવકને સમાધિ કરાવી, સુખ આપ્યાં ભારી-અક્ષર૦ ૭
કર્યા સદ્ગુણી સેવક શૂરા રે, કર્યા સદ્ગુણી,
દાસ હરિ કાલવાણી ગામે, પાંચસો સંત પૂરા-અક્ષર૦ ૮
