આજ આંનદ સિંધુ ઉલટ્યા, પ્રગટ્યા તે પૂરણાનંદરે,
દરશને દુઃખ મટી ગયા, આવ્યો છે અંતરે આંનદરે...ટેક
પરસતાં પાપ પરા પાળ્યા, ટાળ્યા છે કોટિક કર્મરે,
જન્મ મરણ ભય ભાગી ગયો, સમજાવ્યો સદ્ગુરુજીએ મર્મરે...આજ૦ ૧
આશ્રર્ય વાત છે અતિ ઘણી, સમજે તે સંત સુજાણરે,
અટપટું લાગે છે અન્યને, પર મત પણ કરે છે પ્રમાણરે...આજ૦ ૨
બુદ્ધિની હદમાં હાલતા, મનમાં મુઝાણાં છે મોટારે,
આ પદ ન શક્યા ઓળખી, ગડબડ વાળે છે ગોટારે...આજ૦ ૩
જથારથ તે ત્યારે જાણશે, આણશે મહાપ્રભુ મેર્ય રે,
નિષ્કુળાનંદ આંનદની, આવશે તે વારે લેર્યરે...આજ૦ ૪
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.