આજ અવનીમાં પ્રગટ્યા પોતે પુરુષોત્તમ સ્વામિનારાયણ...શ્રી હરિ૦ ટેક
જેને મોટા મુનિવર ગોતે પુરુષોત્તમ સ્વામિનારાયણ...શ્રી હરિ૦ ૧
જેનું અક્ષર બ્રહ્મ એવું ધામ છે, સ્વામી સહજાનંદજી જેનું નામ છે,
તેજ ભક્તિ ધર્મના પુત્ર પુરુષોત્તમ સ્વામિનારાયણ...શ્રી હરિ૦ ૨
રામ કૃષ્ણાદિ રૂપ જેણે ધાર્યા, બહુ દુનિયાના દુષ્ટો સંહાર્યા,
કામ ક્રોધાદિ દોષો નિવાર્યા, પુરુષોત્તમ સ્વામિનારાયણ...શ્રી હરિ૦ ૩
ધર્મ ભકિતનાં રૂપ જેણે સ્થાપ્યાં, મોહ માયાના મુળીયા કાપ્યાં,
પ્રેમી ભક્તોને સુખ બહુ આપ્યાં પુરુષોત્તમ સ્વામિનારાયણ...શ્રી હરિ૦ ૪
બહુ પ્રગટ પરચા બતાવ્યા, કઇક ધામમાં જઇને પાછા આવ્યાં
ત્યાંની ચીજો અલૌકિક લાવ્યા, પુરુષોત્તમ સ્વામિનારાયણ...શ્રી હરિ૦ ૫
જેને વેદો વદે છે નેતિનેતિ કહી શકે નહીં મહીમાં અથેતી,
થાકે શારદા જશ જેનો કેતી, પુરુષોત્તમ સ્વામિનારાયણ...શ્રી હરિ૦ ૬
નિજ ભક્તોને તેડવાને આવે, બેસી વિમાને ધામમાં સીધાવે,
એવો બીજો દયાળુ કોણ કાવે, પુરુષોત્તમ સ્વામિનારાયણ...શ્રી હરિ૦ ૭
કીધો પ્રગટનો મહિમાં વિચારી, જેવી પહોંચી મતિ તેમાં મારી,
કહે વર્ણી શ્રીજીને સંભારી, પુરુષોત્તમ સ્વામિનારાયણ...શ્રી હરિ૦ ૮
રેકોર્ડ કરેલ સંસ્કરણ
