આ વાત નક્કી, સમજુ જનને મન તો સારી લાગશે ||
જો સમજાશે, તો કોટી જનમની તેની ખામી ભાંગશે ||ટેક||
અવતાર ધર્યા ચોવીસ જ્યારે, કોઇ નિમિત કાર્ય કર્યા ત્યારે ||
કહો ધર્મનું સ્થાપન કર્યું ક્યારે....આ વાત નક્કી. (૧)
કોઇ અવતારે અસુરો માર્યાં, કોઇએ પાણી ઉપર પથરા તાર્યા ||
તોય મનુષ્ય રૂપે સહુએ ધાર્યા....આ વાત નક્કી. (૨)
આ તો અવતારના છે અવતારી, અગણીત જીવોને ઉદ્ધારી ||
એકાંતિક ધર્મ ધર્યો ભારી....આ વાત નક્કી. (૩)
કળીયુગમાં નારાયણ ગાવે, પળમાં પ્રભુ ધામ નક્કી પાવે ||
કવિ માવ કહે ભજજો ભાવે....આ વાત નક્કી. (૪)
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.