પ્રીતે ભજ પ્રગટ ભગવાન જો, તજી ઉર થકી મદ અભિમાન જો

પ્રીતે ભજ પ્રગટ ભગવાન જો, તજી ઉર થકી મદ અભિમાન જો-ટેક
         અભિમાન મેલીને રાજા ભરથરી જો, ભજ્યા પ્રભુ રાજ છાજ પરહરી જો-પ્રી૦ ૧
ચિત્રકેતુ તજી કરોડ નારને જો, તજી કુળ કુટુંબ પરિવારને જો-પ્રી૦ ૨
         બાજંદાને બોધ અતિ લાગિયો જો, અચાનક વૈભવ એણે ત્યાગિયો જો-પ્રી૦ ૩
તજી ગોપીચંદે રાણી પિંગળા જો, થઈ જોગી વસ્યા જઈ વેગળા જો-પ્રી૦ ૪
         બાળપણે ભજ્યા ધ્રુવે શ્યામને જો, દાસ હરિ કે રાખ્યું અચળ નામને જો-પ્રી૦ ૫