મુખ્ય સામગ્રી પર જાઓ

કહોને આજ કયાં હતા રે, કાજલ રંગાણા કપોલ

કહોને આજ કયાં હતા રે, કાજલ રંગાણા કપોલ ;
                જણાય છે ઉજાગરો રે, લોચન થયાં છે રાતાં ચોળ. ક૦૧
આલસ અંગમાં રે, કીધો રજની રસ સંગ્રામ ;
               બોલોછો તમે બીકમાં રે, લ્યોને ગયાતા તેનું નામ. ક૦ર
અમથી ઓઝંપી રે, મુખથી બોલો આળપંપાળ ;
               ઘેરાઇ રહ્યા નિદ્રામાં રે, હીયે ઉઠી મોતીડાની માળ. ક૦૩
અધર રંગ રાતડા રે, રાતા કપડે કુંકું દાઘ ;
               ચોળાણા તમે સેજમાં રે, શિથલ થઇછે શિરની પાઘ. ક૦૪
ખુમારી લાગીછે ખેલની રે, અત્તરમાં બ્હકેછેકાંઇ અંગ ;
               વહાલા બ્રહ્માનંદના રે, તમને ચડ્યો છે તેનો રંગ. ક૦પ
રચયિતા :
બ્રહ્માનંદ સ્વામી
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
www.swaminarayankirtan.org © 2026