મુખ્ય સામગ્રી પર જાઓ

આજ હું એકલી રે, બેની ગઇ'તી વૃન્દાવન

આજ હું એકલી રે, બેની ગઇ'તી વૃન્દાવન ;
       દેખી મુજને રે, એને લાલચ્ય લાગીમન. આ૦૧
મારગ રોકીયો રે, આવી ઉભો બાંધીને આડ ; 
       બળમાં બોલતો રે, માંહી જોર જણાવે લાડ. આ૦ર
ઘેરીને મુજને રે, સાથે લઇ સરવે ગોવાળ ; 
       જોઇને જાદવે રે, કીધા આંખડલીના ખ્યાલ. આ૦૩
વળગ્યો મુજને રે, આવી જમુનાજીને તીર ; 
       હું તો એકલી રે, સરવે છોરાં એની ભીર. આ૦૪
મહીડું માહેરું રે, પરાણે લઇ કીધી હેરાન ; 
        વહાલે બ્રહ્માનંદને રે, ન કર્યાનું તે કીધું કાન. આ૦પ

રચયિતા :
બ્રહ્માનંદ સ્વામી
આ કીર્તન માટે ઓડિયો અથવા વીડિયો હાલમાં ઉપલબ્ધ નથી.
www.swaminarayankirtan.org © 2026